நீங்கள் தேடியது "சுற்றுலா பயணிகள்"

இதிகாசமான ராமாயணத்தில், சீதையை ராமன் மீட்பதற்காக ராவணனுடன் போரிடுவதற்காக இலங்கையை அடைய ராமரின் வானரப் படையினர் ராமர் சேது பாலம் கட்டப்பட்டதாக கூறப்பட்டுள்ளது.

இந்நிலையில், ஸ்ரீலங்கன் ஏர்லைன்ஸ் விளம்பரத்தில் ராமர் பாலம் தொடர்பான காட்சிகள் இடம்பெற்றுள்ளது இந்திய மக்களை கவர்ந்துள்ளது.

5 நிமிட விளம்பர வீடியோவில் ஒரு பாட்டி தனது பேரனுக்கு குழந்தைகள் புத்தகத்திலிருந்து ராமாயணக் கதையை கூறுகிறார்.

அந்த வீடியோவில், சீதையை கடத்திச் சென்ற அசுர மன்னன் ராவணன் அவளை எங்கே அழைத்துச் சென்றான் என்று அந்த குழந்தை கேட்க, ராமாயணத்தில் உள்ள அனைத்து இடங்களும் உண்மையானவை என்று அந்த பாட்டி தனது பேரனிடம் விவரிக்கிறாள்.

ராவணன் குகை, சீதா அம்மன் கோவில், ராமர் பாலம் உள்ளிட்ட இடங்களை பற்றி தனது பேரனிடம் பாட்டி விவரிக்க, "ராமர் பாலம் இப்போதும் இருக்கிறதா?" என ஒரு குழந்தை கேட்கிறார். அதற்கு "ஆமாம் அதை இன்றும் பார்க்கலாம்" என பாட்டி பதிலளிப்பதும்.

இலங்கைக்கு வரும் இந்திய சுற்றுலா பயணிகளை கவரும் விதத்தில் இந்த விளம்பர வீடியோ உருவாகியுள்ளது. வடஇந்தியாவில் உள்ள இந்து மக்களிடையே இந்த விளம்பர வீடியோ வரவேற்பை பெற்றுள்ளது.

புதுச்சேரி:

மும்பையை சேர்ந்த 9-ம் வகுப்பு படிக்கும் 16 வயது சிறுமி தனது தாய் தந்தையுடன் கடந்த வாரம் புதுச்சேரியில் உள்ள உறவினர் வீட்டுக்கு வந்தார்.

கடந்த 30-ந் தேதி வீட்டில் கோபித்து கொண்டு வெளியேறிய சிறுமியை காணவில்லை. இதுகுறித்து 31-ந்தேதி இரவு பெரியக்கடை போலீசில் புகார் அளிக்கப்பட்டது. போலீசார் கடத்தல் வழக்கு பதிந்து தேடி வந்தனர்.

இதனிடையே கடந்த 1-ந்தேதி மாலை கடற்கரையில் சுற்றி திரிந்த சிறுமியை போலீசார் மீட்டனர். அவரிடம் விசாரணை செய்ததில் சிறுமி கூட்டு பாலியல் பலாத்காரம் செய்யப்பட்ட அதிர்ச்சி தகவல் வெளியானது.

சிறுமியை கோட்டக்குப்பத்தைச் சேர்ந்த காஜாமொய்தீன் (வயது 34) ஆட்டோவில் ஏற்றிச் சென்று பாலியல் பலாத்காரம் செய்து மீண்டும் 30-ந்தேதி நள்ளிரவில் புதுச்சேரியில் விட்டு சென்றுள்ளார்.

அதன்பின்பு சாலையில் தனியாக சுற்றிய சிறுமியை புதுச்சேரி வந்த சென்னையை சேர்ந்த சுற்றுலா பயணிகள் பேச்சு கொடுத்து தங்களின் காரில் சென்னைக்கு கடத்தி சென்றுள்ளனர். அங்கு ஓட்டலில் வைத்து மது வாங்கி கொடுத்து கூட்டு பலாத்காரம் செய்துள்ளதும் தெரிய வந்தது.

இதன் பின்பு சிறுமியை வாடகை கார் மூலம் புதுச்சேரி அனுப்பி வைத்துள்ளனர். இதனையடுத்து பெரியக்கடை போலீசார் போக்சோ மற்றும் கடத்தல் வழக்கு பதிவு செய்து, ஆட்டோ டிரைவர் கோட்டக்குப்பம் காஜா மொய்தீனை கைது செய்து சிறையில் அடைத்தனர்.

தொடர்ந்து சென்னை சென்ற போலீசார் ஐ.டி. ஊழியர்களான ஒடிசாவை சேர்ந்த தீனபந்த் பாரிக் (30), தெலுங்கானா ரமேஸ் கஜூலா (29), வாரணாசி பங்கஜ்குமார் சிங் (30) ஆகியோரை கைது செய்தனர். இவர்கள் நீதிபதி முன்பு ஆஜர்படுத்தப்பட்டு சிறையில் அடைக்கப்பட்டனர்.

இதனிடையே கூட்டு பலாத்காரத்தில் மேலும் ஒருவருக்கு தொடர்பு இருப்பதும் அந்த நபர் பெங்களூரில் பதுங்கி இருப்பதும் தெரியவந்தது. 30 வயது மதிக்கத்தக்க அந்த வாலிபரையும் போலீசார் கைது செய்தனர். அவரிடம் விசாரணை நடத்திய பின்னர் இன்று கோர்ட்டில் ஆஜர்படுத்தி ஜெயிலில் அடைத்தனர்.

புதுவைக்கு வரும் சுற்றுலா பயணிகளில் ஏராளமானோர் இளைஞர்கள் மற்றும் இளம்பெண்களாகவே உள்ளனர். குடும்பமாக வரும் தம்பதிகள் சுற்றுலா பயணிகள் எண்ணிக்கை குறைவு தான். ஜாலிக்காகவே சுற்றுலா வரும் வாலிபர்கள் காரில் இரவு நேரங்களில் குடிபோதையில் சுற்றிவருவதாக பொதுமக்கள் குற்றம் சாட்டியுள்ளனர்.

அவர்கள் காரில் செல்லும் போது தனியாக ரோட்டில் யாராவது சென்றால் அவர்களிடம் குறும்பு தனத்தை காண்பித்தும், குற்றச்செயல்களில் ஈடுபடுவதாகவும் புகார் எழுந்துள்ளது.

கடந்த வாரம் காரில் வந்த சுற்றுலா பயணிகள் கும்பல் அண்ணா சாலையில் உள்ள பாஸ்டுபுட் ஓட்டலில் உணவு வாங்கவந்த ஒருவரை தாக்கிவிட்டு காரில் தப்பிச்சென்றனர். இந்த காட்சிகள் சமூக வலைதளங்களில் பரவி வருகிறது.

இந்த நிலையில் சுற்றுலா வந்த சென்னை ஐ.டி. ஊழியர்கள் ரோட்டில் சென்ற சிறுமி ஒருவரை சென்னைக்கு கடத்தி சென்று பாலியல் பலத்காரம் செய்துள்ளனர். இந்த சம்பவங்களை போலீசார் தடுக்க இரவில் சுற்றும் சுற்றுலா பயணிகளை கண்காணிக்க வேண்டும். இரவு நேரங்களில் போலீசார் ரோந்து பணியை தீவிர படுத்த வேண்டும் என்று பொதுமக்கள் வலியுறுத்தியுள்ளனர்.

தாய்லாந்து செல்லும் இந்தியப் பயணிகள் முன்னதாகவோ தாய்லாந்தில் இறங்கிய பிறகோ விசா பெற வேண்டிய அவசியம் இல்லை. நவம்பர் 11-ம் தேதி நிறைவடைய இருந்த விசா சலுகையை காலவரம்பின்றி தாய்லாந்து அரசு நீட்டித்துள்ளது.

தாய்லாந்து அரசாங்கம் இந்தியர்களுக்கு விசா இல்லாத நுழைவை அறிவித்துள்ளது. இதன் மூலம் இந்திய குடிமக்கள் நீண்ட நாட்கள் விசா இல்லாமல் தாய்லாந்தில் தங்கி வரலாம். 2024-ஆம் ஆண்டின் நவம்பர் 11-ஆம் தேதியுடன் முடிவடையவிருந்த விசா தளர்வு தற்போது நீட்டிக்கப்பட்டுள்ளது. புதிய விதிமுறைகளின் படி இந்தியர்கள் தாய்லாந்தில் விசா இல்லாமல் 60 நாட்கள் வரை தங்கி வர அனுமதிக்கப்படுகிறார்கள்.

உள்ளூரில் இருக்கும் இமிகிரேஷன் ஆபீஸில் விண்ணப்பித்து 30 நாட்களுக்கு உங்களுடைய வருகையை எக்ஸ்டென்ட் செய்து கொள்ளலாம். இந்தியர்களுக்கு விசா இல்லாத நுழைவை நீட்டித்திருக்கும் காரணத்தினால் தாய்லாந்துக்கு சுற்றுலா செல்ல திட்டமிடும் இந்தியர்களுக்கு சுற்றுலா செல்வது மிகவும் எளிதாக மாறியுள்ளது.

ஆவணங்களே இல்லாத புதிய நடைமுறையின் காரணமாக 2024-ஆம் ஆண்டின் ஜனவரி மாதம் முதல் அக்டோபர் வரையில் இந்தியா சுற்றுலா பயணிகளின் வரத்து 16.17 மில்லியனாக அதிகரித்துள்ளது. விசா இல்லாத நுழைவு காரணமாக வார இறுதி விடுமுறையை பயன்படுத்தி தாய்லாந்துக்கு செல்லும் இந்தியர்களும் அதிகரித்துள்ளனர்.

நீலகிரி:

தீபாவளி பண்டிகை நாடு முழுவதும் கோலாகலமாக கொண்டாடப்பட்டது. தீபாவளியை தொடர்ந்து அரசு விடுமுறை, வார இறுதி நாட்கள் உள்பட 4 நாட்கள் தொடர் விடுமுறை என்பதால், பொதுமக்கள் விடுமுறையை கொண்டாட குடும்பத்தோடு சுற்றுலா தளங்களுக்கு படையெடுத்து வருகின்றனர்.

அந்த வகையில், நீலகிரி மாவட்டம் ஊட்டியில் நிலவும் இதமான காலநிலையை அனுபவிக்கவும், இயற்கை காட்சிகளை கண்டு ரசிக்கவும் தமிழகத்தின் பல்வேறு மாவட்டங்கல் மட்டுமின்றி, வெளிமாநிலங்களில் இருந்தும் ஏராளமான சுற்றுலா பயணிகள் குவிந்து வருகின்றனர்.

அவ்வாறு வரும் சுற்றிலா பயணிகள், அங்குள்ள அரசு தாவரவியல் பூங்கா, பைக்காரா, குன்னூர் சிம்ஸ் பூங்கா, தொட்டபெட்டா உள்ளிட்ட இடங்களை கண்டுகளித்தனர். குறிப்பாக படகு இல்லத்திற்கு சென்ற சுற்றுலா பயணிகள், மிதிபடகு, துடுப்பு படகு, மோட்டார் படகு உள்ளிட்டவற்றில் பயணம் செய்து இயற்கை காட்சிகளை கண்டு ரசித்தனர்.

சுற்றுலா பயணிகளின் வருகை அதிகரித்து காணப்பட்டதால், ஊட்டி சாலைகளில் கடும் போக்குவரத்து நெரிசல் ஏற்பட்டது. மேலும் நாளை ஞாயிறு விடுமுறை என்பதால், ஊட்டிக்கு வருகை தரும் சுற்றுலா பயணிகளின் எண்ணிக்கை மேலும் அதிகரித்து காணப்படும் என எதிர்பார்க்கப்படுகிறது.

கொடைக்கானல்:

கொடைக்கானலில் கடந்த ஒரு வாரத்துக்கு முன்பு வரை தொடர் மழை பெய்து வந்தது. தற்பொழுது மழை குறைந்து அவ்வப்போது சாரல் மழை மட்டுமே பெய்து வருகிறது. தரைப்பகுதியில் நிலவும் வெப்பத்தை விட இங்கு குறைவாக இருப்பதாலும் அவ்வப்போது சாரல் மழை பெய்வதாலும் வெப்பத்தின் தாக்கம் குறைந்து இதமான சூழல் நிலவி வருகிறது. இதனால் பல்வேறு மாநிலங்களில் இருந்து சுற்றுலா பயணிகள் எண்ணிக்கை அதிகரிக்க தொடங்கியுள்ளது.

குறிப்பாக கடந்த வாரம் வரை சுற்றுலா பயணிகள் இல்லாததால் அனைத்து இடங்களும் வெறிச்சோடி காணப்பட்டது. ஆனால் தற்போது தமிழகத்தில் தீபாவளி பண்டிகையை தொடர்ந்து விடுமுறை அளிக்கப்பட்டுள்ளதாலும் அண்டை மாநிலமான கேரளாவில் விடுமுறை என்பதாலும் சுற்றுலா பயணிகள் எண்ணிக்கை அதிகரித்து காணப்படுகிறது.

குறிப்பாக கேரள பள்ளிகள் மற்றும் கல்லூரிகளைச் சேர்ந்த ஏராளமான மாணவ-மாணவிகள் வருகை தந்ததால் அனைத்து சுற்றுலா தலங்களிலும் கூட்டம் அதிகமாகவே இருந்தது. இதில் அதிகமானோர் ஏரிச்சாலையை சுற்றி சைக்கிள் சவாரி, நட்சத்திர ஏரியில் படகு சவாரி செய்வதில் ஆர்வம் காட்டினர். இதனால் சிறு குறு வியாபாரிகள் மகிழ்ச்சி அடைந்தனர்.

அடுத்து வரும் நாட்களிலும் சுற்றுலா பயணிகள் கூட்டம் அதிகரிக்கும் என்பதால் சுற்றுலா தொழிலை நம்பியுள்ள மக்கள் மகிழ்ச்சியடைந்தனர்.

நெல்லை:

நெல்லை, தென்காசி, தூத்துக்குடி மாவட்டங்களில் சில நாட்களாக வடகிழக்கு பருவமழை சில இடங்களில் இடி-மின்னலுடனும், சில இடங்களில் சாரல் மழையாகவும் பெய்து வருகிறது.

நெல்லை மாவட்டத்தில் ராதாபுரம் சுற்றுவட்டார பகுதிகளில் கடந்த சில நாட்களாக கனமழை பெய்து வந்த நிலையில் நேற்று அங்கு மழை இல்லை. மாறாக வானம் மேகமூட்டத்துடன் காணப்பட்டது. மேற்கு தொடர்ச்சி மலையையொட்டி களக்காடு மற்றும் அதன் சுற்றுவட்டார பகுதிகளில் நேற்று பலத்த மழை பெய்தது. இதனால் களக்காடு தலையணையில் தண்ணீர் வரத்து அதிகரித்துள்ளது. தொடர்ந்து அந்த பகுதியில் மழை பெய்து கொண்டே இருப்பதால் பாதுகாப்பு காரணமாக சூழல் சுற்றுலா தலமான களக்காடு தலையணையில் குளிக்க தடை விதிக்கப்பட்டுள்ளது. அதே நேரம் சுற்றுலா பயணிகள் பார்வையிடுவதற்கு அனுமதி வழங்கி களக்காடு வனச்சரக அலுவலர் பிரபாகர் உத்தரவிட்டுள்ளார்.

களக்காடு சுற்று வட்டாரத்தில் அதிகபட்சமாக 9.2 மில்லிமீட்டர் மழை பதிவாகி உள்ளது. மாவட்டத்தின் மற்ற பகுதியில் வானம் மேகமூட்டமாக காட்சியளித்தது. அணைகளை பொறுத்தவரை சேர்வலாறு, பாபநாசம், மணிமுத்தாறு அணைகளின் நீர்பிடிப்பு பகுதிகளில் லேசான சாரல் மழை பெய்தது. பாபநாசத்தில் 3 மில்லிமீட்டரும், சேர்வலாறில் 2 மில்லிமீட்டரும் மழை பெய்துள்ளது. கன்னடியன் கால்வாய் பகுதியில் விட்டு விட்டு சாரல் மழை பெய்தது.

தென்காசி மாவடடத்தில் நேற்று மாவட்டம் முழுவதும் பகலில் வெயில் அடித்தது. பிற்பகலில் வானம் மேகமூட்டமாக காணப்பட்டது. கடனா அணை பகுதியில் மட்டும் 2 மில்லிமீட்டர் மழை பெய்துள்ளது. இதனால் குற்றாலத்தில் அனைத்து அருவிகளிலும் தண்ணீர் மிதமாக கொட்டி வருகிறது. அதில் சுற்றுலா பயணிகள் குளித்து மகிழ்கின்றனர்.

தூத்துக்குடி மாவட்டத்தில் ஸ்ரீவைகுண்டம் மற்றும் அதன் சுற்றுவட்டாரத்தில் மட்டும் பரவலாக மழை பெய்தது. அங்கு 9 மில்லிமீட்டர் மழை பதிவாகி உள்ளது. ஓட்டபிடாரத்தில் 2 மில்லி மீட்டரும், தூத்துக்குடியில் 1 மில்லிமீட்டரும் மழை பெய்துள்ளது.

கோபி:

ஈரோடு மாவட்டம் பவானிசாகர் அணையில் இருந்து திறந்து விடப்படும் தண்ணீர் பவானி ஆற்றின் வழியாக கோபிசெட்டி பாளையம் அருகே உள்ள கொடிவேரி தடுப்பணையில் ஆர்ப்பரித்து கொட்டி செல்கிறது. இதனால் கொடிவேரி தடுப்பணை ரம்மியமாக காட்சி அளித்து வருகிறது.

இதையொட்டி கொடி வேரி தடுப்பணையில் கொட்டும் தண்ணீரில் குளிப்பதற்கும், ரசிப்பதற்கும் கோபி, சத்தி மற்றும் சுற்று வட்டார பகுதிகளில் இருந்து ஏராளமான மக்கள் வந்து செல்கிறார்கள்.

அதேபோல் மாவட்டத்தின் பல பகுதிகளில் இருந்தும் திருப்பூர், கோவை, கரூர், சேலம், நாமக்கல் உட்பட தமிழகத்தின் பல பகுதிகளில் இருந்தும் ஏராளமான மக்கள் வருகிறார்கள். வெளி மாநில பயணிகளும் வந்து செல்கிறார்கள். விடுமுறை மற்றும் பண்டிகை நாட்களில் ஆயிரக்கணக்கான சுற்றுலா பயணிகள் குடும்பத்துடன் அணைக்கு வருவது வழக்கம். இதனால் இங்கு மக்கள் கூட்டம் இருந்து கொண்டே இருக்கும்.

இந்த நிலையில் கோபி மற்றும் சுற்று வட்டார பகுதிகளான நம்பியூர், சத்தி, கொடிவேரி சுற்று வட்டார பகுதிகளில் பரவலாக மழை பெய்து வருகிறது. இதனால் தடுப்பணையில் தண்ணீர் அதிகளவில் சென்று வருகிறது.

இதே போல் பவானிசாகர் அணையின் நீர் பிடிப்பு பகுதிகளிலும் பரவலாக மழை பெய்து வருகிறது. இதனால் அணைக்கும் கணிசமான தண்ணீர் வந்து கொண்டு உள்ளது.

இந்த நிலையில் பவானி சாகர் அணையில் இருந்து பவானி ஆற்றில் அதிகளவில் தண்ணீர் திறந்து விடப்பட்டு வருகிறது. இதனால் கோபி செட்டிபாளையம் அருகே உள்ள கொடிவேரி அணையில் 860 கன தண்ணீர் அடி வெளியேறி வருகிறது. இதனால் தடுப்பணையில் தண்ணீர் அதிகரித்து ஆர்ப்பரித்து கொட்டுகிறது. மேலும் அந்த பகுதியில் அடிக்கடி மழை பெய்து வருகிறது.

இதனால் அங்கு இரு கரைகளையும் தொட்டப்படி தண்ணீர் நுங்கும், நுரையுமாக செல்கிறது. இதையொட்டி பொதுமக்கள் மற்றும் சுற்றுலா பயணிகளின் பாதுகாப்பை கருதி கொடிவேரி தடுப்பணையில் குளிப்பதற்கும், ரசிப்பதற்கும் இன்று (வியாழக்கிழமை) ஒரு நாள் மட்டும் தடை விதிக்கப்படுகிறது என நீர்வளத்துறை அதி காரிகள் தெரிவித்து உள்ளனர்.

இதையொட்டி கொடிவேரி தடுப்பணைக்கு செல்லும் நுழைவு வாயில் அடைக்கப்பட்டு உள்ளது. மேலும் பொதுமக்கள் செல்லாத வகையில் தடுப்புகள் அமைக்கப்பட்டு பணியாளர்கள் மூலம் கண்காணிக்கப்பட்டு வருகிறது.

இதை தொடர்ந்து இன்று குறைந்த அளவே சுற்றுலா பயணிகள் கொடிவேரிக்கு வந்து இருந்தனர். அங்கு தடை விதிக்கப்பட்டு நுழைவு வாயில் அடைக்கப்பட்டு இருந்ததால் அவர்கள் ஏமாற்றத்துடன் திரும்பி சென்றனர்.

அக்டோபர் 20 ஆம் தேதி மாமல்லபுரம் ஐந்துரதம் புராதன சின்னம் அருகில் நோ பார்க்கிங் வழியாக கார் ஒன்று செல்ல முயன்றது.அப்போது அங்கு பணியில் இருந்த காவலாளி ஏழுமலை (வயது 45) என்பவர் காரை ஐந்துரத வாகன நிறுத்துமிடத்தில் நிறுத்துமாறு கூறினார். அதை மீறி காரில் வந்தவர்கள் காரை நோ பார்க்கிங்கில் நிறுத்த முயன்றதாக தெரிகிறது. இதனால் ஆத்திரத்தில் ஏழுமலை அவர்களை திட்டியதாக கூறப்படுகிறது.

உடனே காரில் இருந்து இறங்கிய 2 பெண்கள் உள்ளிட்ட 4 பேர் "ஏய் யாரை பார்த்து திட்டுகிறாய்" என ஆவேசமடைந்து, நடுரோட்டிலேயே ஏழுமலையை சரமாரியாக அடித்து உதைத்தனர். அவர்களுடன் வந்த ஆண்களும் சேர்ந்து அவரை கடுமையாக தாக்கினர். இந்த கைகலப்பு சம்பவத்தால் அந்த பகுதியே பரபரப்பானது.

பின்னர் அவ்வழியாக சென்றவர்கள் 4 பேரையும் சமாதானம் செய்து காவலாளி ஏழுமலையை அவர்களின் பிடியிலிருந்து காப்பாற்றினர். பின்னர் 2 பெண்கள் உள்ளிட்ட 4 சுற்றுலா பயணிகளும் காரில் சென்றுவிட்டனர். இந்த தாக்குதலில் முகத்தில் காயமடைந்த ஏழுமலை ஆஸ்பத்திரிக்கு சென்று சிகிச்சை பெற்று வீடு திரும்பினார்.

இச்சம்பவத்தை அந்த வழியாக சென்ற சுற்றுலா பயணி ஒருவர் வீடியோ எடுத்து சமூக வலைத்தளங்களில் வெளியிட்டார். அந்த வீடியோ வைரலாகி வருகிறது.

காவலாளி ஏழுமலைக்கு அங்குள்ள வியாபாரிகள் நாள் ஒன்றுக்கு ரூ.500 ஊதியம் என்ற தினக்கூலி அடிப்படையில் மாதம் ரூ.15 ஆயிரம் சம்பளம் வழங்கி வருகின்றனர். இந்நிலையில் அவரை தாக்கியவர்கள் மீது போலீசார் நடவடிக்கை எடுக்க வேண்டும் என்று ஐந்துரதம் வணிக வளாக வியாபாரிகள் மற்றும் பொதுமக்களிடம் இருந்து கோரிக்கை எழுந்தது.

இதனையடுத்து காவலாளியை தாக்கியது தொடர்பாக முடிச்சூரை சேர்ந்த பிரபு இன்பதாஸ் (41), சண்முகப்பிரியா (38), கீர்த்தனா (29) உள்ளிட்டோர் மீது 4 பிரிவுகளின் கீழ் வழக்குப் பதிவு செய்து போலீசார் கைது செய்தனர்.

இந்நிலையில், இன்று திருப்போரூர் குற்றவியல் நீதிமன்றத்தில் ஆஜர்படுத்தப்பட்ட 3 பேருக்கும் 15 நாட்கள் நீதிமன்ற காவல் விதிக்கப்பட்டது. இதனையடுத்து மூவரும் சிறையில் அடைக்கப்பட்டனர்

மாமல்லபுரம்:

செங்கல்பட்டு மாவட்டம், மாமல்லபுரத்திற்கு நேற்று முன்தினம் ஞாயிற்றுக்கிழமை விடுமுறை தினம் என்பதால் ஏராளமான சுற்றுலா பயணிகள் வந்து சென்றனர். இந்நிலையில் மாமல்லபுரம் ஐந்துரதம் புராதன சின்னம் அருகில் நோ பார்க்கிங் வழியாக கார் ஒன்று செல்ல முயன்றது. அப்போது அங்கு பணியில் இருந்த காவலாளி ஏழுமலை (வயது 45) என்பவர் காரை ஐந்துரத வாகன நிறுத்துமிடத்தில் நிறுத்துமாறு கூறினார். அதை மீறி காரில் வந்தவர்கள் காரை நோ பார்க்கிங்கில் நிறுத்த முயன்றதாக தெரிகிறது. இதனால் ஆத்திரத்தில் ஏழுமலை அவர்களை திட்டியதாக கூறப்படுகிறது.

உடனே காரில் இருந்து இறங்கிய டிப்டாப் உடை அணிந்திருந்த 2 பெண்கள் உள்ளிட்ட 4 பேர் "ஏய் யாரை பார்த்து திட்டுகிறாய்" என ஆவேசமடைந்து, நடுரோட்டிலேயே ஏழுமலையை சரமாரியாக அடித்து உதைத்தனர். அவர்களுடன் வந்த ஆண்களும் சேர்ந்து அவரை கடுமையாக தாக்கினர். பதிலுக்கு ஏழுமலை தாக்க முயற்சிக்கவே, 4 பேரும் அவரை கீழே தள்ளி அவரை நைய புடைத்தனர். அதில் ஒரு பெண் காவலாளி ஏழுமலை வைத்திருந்த 2 அடி நீள பிளாஸ்டிக் குழாயை பிடுங்கி, அந்த குழாய் 2 துண்டாக உடையும் வரை அவரை தாக்கி சட்டை கிழித்தார்.

இந்த கைகலப்பு சம்பவத்தால் அந்த பகுதியே பரபரப்பானது. பிறகு அவ்வழியாக சென்றவர்கள் 4 பேரையும் சமாதானம் செய்து காவலாளி ஏழுமலையை அவர்களின் பிடியில் இருந்து காப்பாற்றி வெளியேற்றினர். பின்னர் 2 பெண்கள் உள்ளிட்ட 4 சுற்றுலா பயணிகளும் காரில் சென்றுவிட்டனர். இந்த தாக்குதலில் முகத்தில் காயமடைந்த ஏழுமலை ஆஸ்பத்திரிக்கு சென்று சிகிச்சை பெற்று வீடு திரும்பினார்.

இச்சம்பவத்தை அந்த வழியாக சென்ற சுற்றுலா பயணி ஒருவர் வீடியோ எடுத்து சமூக வலைதளங்களில் வெளியிட்டார். அந்த வீடியோ வைரலாகி வருகிறது. காவலாளி ஏழுமலைக்கு அங்குள்ள வியாபாரிகள் நாள் ஒன்றுக்கு ரூ.500 ஊதியம் என்ற தினக்கூலி அடிப்படையில் மாதம் ரூ.15 ஆயிரம் சம்பளம் வழங்கி வருகின்றனர். இந்நிலையில் அவரை தாக்கியவர்கள் மீது போலீசார் நடவடிக்கை எடுக்க வேண்டும் என்று ஐந்துரதம் வணிக வளாக வியாபாரிகள் மற்றும் பொதுமக்களிடம் இருந்து கோரிக்கை எழுந்தது.

இந்த நிலையில், காவலாளியை தாக்கியது தொடர்பாக முடிச்சூரை சேர்ந்த பிரபு இன்பதாஸ், சண்முகப்பிரியா, கீர்த்தனா உள்ளிட்டோர் மீது 4 பிரிவுகளின் கீழ் வழக்கு பதிவு செய்து போலீசார் கைது செய்துள்ளனர்.

கன்னியாகுமரி:

கன்னியாகுமரிக்கு தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகள் வந்து செல்கிறார்கள். இங்கு வருடம் முழுவதும் சுற்றுலாப் பயணிகள் வந்து சென்றாலும் நவம்பர், டிசம்பர், ஜனவரி ஆகிய 3 மாதங்களும் வழக்கத்தைவிட அதிகமான சுற்றுலாப் பயணிகள் வருவார்கள். இந்த 3 மாத காலமும் இங்கு சீசன் காலமாக கருதப்படுகிறது.

சீசன் இல்லாத காலங்களிலும் சனி மற்றும் ஞாயிற்றுக்கிழமை போன்ற விடுமுறை நாட்களிலும் பண்டிகை கால விடுமுறை நாட்களிலும் இங்கு மக்கள் கூட்டம் அதிகமாக காணப்படும். இன்று (ஞாயிற்றுக்கிழமை) விடுமுறை நாளில் ஆயிரக்கணக்கான சுற்றுலா பயணிகள் குவிந்தனர். அவர்கள் முக்கடலும் சங்கமிக்கும் திரிவேணி சங்கமம் சங்கிலி துறை கடற்கரை பகுதியில் அதிகாலையில் சூரியன் உதயமாகும் காட்சியை பார்த்து ரசித்தனர்.

மேலும் கன்னியாகுமரி முக்கடல் சங்கமத்தில் கடலில் ஆனந்த குளியல் போட்டு மகிழ்ந்தனர். கடலில் ஏற்பட்ட மாற்றம் காரணமாக கடந்த சில நாட்களாக விவேகானந்தர் நினைவு மண்டபத்துக்கு காலை 8 மணிக்கு படகு போக்குவரத்து தொடங்க முடியாத நிலை இருந்து வந்தது. ஆனால் இன்று வழக்கம் போல் 8 மணிக்கு படகு போக்குவரத்து தொடங்கியது.

காலை 6 மணியில் இருந்தே சுற்றுலா பயணிகள் படகுத்துறையில் நீண்ட வரிசையில் காத்திருந்தனர். அவர்கள் படகு போக்குவரத்து தொடங்கியதும் படகில் சென்று விவேகானந்தர் நினைவு மண்டபத்தை பார்வையிட்டனர்.

மேலும் கன்னியாகுமரியில் உள்ள சுற்றுலாத் தலங்களான காந்தி நினைவு மண்டபம், காமராஜர் மணிமண்டபம், சுனாமி நினைவுப் பூங்கா, கடற்கரை சாலையில் உள்ள பேரூராட்சி பொழுது போக்கு பூங்கா, அரசு பழத்தோட்டத்தில் உள்ள சுற்றுச்சூழல் பூங்கா, கலங்கரை விளக்கம், சன்செட் பாயிண்ட் கடற்கரை பகுதி, மியூசியம், அரசு அருங்காட்சியகம், விவேகானந்தபுரத்தில் உள்ள பாரத மாதாகோவில் மற்றும் ராமாயண தரிசன சித்திர கண்காட்சிகூடம், சுதந்திர போராட்ட வீரர்களின் தியாக பெருஞ்சுவர், மீன் காட்சி சாலை, வட்டக்கோட்டை பீச், கோவளம்பீச், சொத்தவிளை பீச் உள்பட அனைத்து சுற்றுலாத் தலங்களிலும் இன்று காலையில் இருந்தே சுற்றுலா பயணிகள் குடும்பத்துடன் திரண்டு பார்வையிட்டு விடுமுறையை கொண்டாடினார்கள். இதனால் விடுமுறை நாளான இன்று சுற்றுலா தலங்கள் களை கட்டியது.

இந்தசுற்றுலா தலங்களில் பலத்த போலீஸ் பாதுகாப்பும் போடப்பட்டு இருந்தது. கடற்கரைப்பகுதியில் சுற்றுலா போலீசாரும் கடலோர பாதுகாப்பு குழும போலீசாரும் தீவிர கண்காணிப்புபணியில் ஈடுபட்டு வந்தனர்.

கன்னியாகுமரி பகவதி அம்மன் கோவில், திருப்பதி வெங்கடாஜலபதி, சுசீந்திரம் தாணுமாலைய சுவாமி கோவில், கொட்டாரம் ராமர் கோவில் போன்ற கோவில்களிலும் தரிசனத்துக்காக பக்தர்கள் கூட்டம் அலைமோதியது. 

புதுச்சேரி:

சுற்றுலா தலமான புதுச்சேரிக்கு தமிழ்நாடு, கர்நாடகா, கேரளா உள்ளிட்ட பல்வேறு மாநிலங்களில் இருந்து ஆயிரக்கணக்கான சுற்றுலா பயணிகள் வருகின்றனர்.

இதனால் வார இறுதி நாட்கள் மற்றும் தொடர் விடுமுறை நாட்களில் குறிப்பாக, பெங்களூரு, சென்னையில் இருந்து பெரும்பாலான சுற்றுலா பயணிகள் குடும்பமாகவும், நண்பர்களுடன் சேர்ந்து காரில் பைபாஸ் மற்றும் ஈ.சி.ஆர். சாலை வழியாக புதுச்சேரிக்கு வருகின்றனர்.

பின்னர், விடுதியில் தங்கி ராக் பீச், மெரினா கடற்கரை, சுண்ணாம்பாறு படகு குழாம், மணக்குள விநாயகர் கோவில், அரவிந்தர் ஆசிரமம் உள்ளிட்ட சுற்றுலா இடங்களை சுற்றி பார்க்கின்றனர்.

மேலும், ஆரோவில்லுக்கு சென்றுவிட்டு வருகின்றனர். ஒவ்வொரு வாரமும் (வெள்ளிக்கிழமை) பிற்பகலில் புதுச்சேரி வரும் சுற்றுலா பயணிகள் 2 நாட்கள் தங்கி விட்டு சுற்றுலா தலங்களை பார்த்து ரசித்துவிட்டு (ஞாயிற்றுக்கிழமை) இரவு சொந்த ஊருக்கு புறப்பட்டு செல்கின்றனர்.

இந்நிலையில் புதுச்சேரியில் எல்லைப்பகுதிகள் மற்றும் நகரப்பகுதிகள் உட்பட பல்வேறு இடங்களில் போக்குவரத்து விதிமீறல் என கூறி சுற்றுலா பயணிகளின் வாகனங்களை மட்டும் போலீசார் குறி வைத்து அபராதம் வசூலிப்பதாக கூறப்படுகிறது.

இதனால் அவர்கள் கடும் அவதிக்குள்ளாகின்றனர். போலீசாரின் இந்த அடாவடி செயலால், சுற்றுலா பயணிகள் மீண்டும் புதுச்சேரிக்கு வரவே தயக்கம் காட்டுகின்றனர்.

இப்பிரச்சனை சட்டசபையிலும் எதிரொலித்தது. சுற்றுலா பயணிகள் வந்தால் மாநிலத்துக்கு வருவாய் கிடைக்கும். எனவே, போலீசார் சுற்றுலா பயணிகளிடம் கெடுபிடி காட்டக்கூடாது என்று முதல்-அமைச்சர் ரங்கசாமியும் அடிக்கடி அறிவுறுத்தி வந்தார். ஆனால், போலீசாரோ ஒவ்வொரு மாதமும் டார்கெட் வைத்து சுற்றுலா பயணிகளின் வாகனங்களுக்கு அபராதம் விதித்து வந்தனர்.

குறிப்பாக, கருவடிக்குப்பம் ஈ.சி.ஆர். சாலை சித்தானந்த சுவாமிகள் கோவில் அருகே போலீசார் நின்று கொண்டு தினமும் வெளிமாநிலங்களில் இருந்து வரும் கார், இருசக்கர வாகனம், வேன் உள்ளிட்ட வாகனங்களை நிறுத்தி, சுற்றுலா பயணிகளிடம் காரில் சீட் பெல்ட் அணியவில்லை, தற்காலிக பெர்மிட் எடுக்கவில்லை, இருசக்கர வாகனத்தில் வருவோரிடம் ஹெல்மெட் அணியவில்லை என ஏதாவது காரணத்தை குறி இ-செல்லான் மிஷின் மூலம் உடனடியாக அபராதம் விதிக்கின்றனர்.

அதுவும், வார இறுதி நாட்களில் அதிகமான சுற்றுலா வாகனங்களை நிறுத்தி அபராதம் விதிப்பதால், அப்பகுதியில் கடும் போக்குவரத்து நெரிசலும் ஏற்படுகிறது.

ஆவணங்கள் சரியாக இருந்தாலும் கூட, போலீசார் அபராதம் வசூலிக்காமல் வெளிமாநில வாகனங்கள் செல்ல அனுமதிப்பதில்லை. போலீசார் கேட்கும் அபராதம் கொடுக்காவிட்டால், அதே இடத்தில் பல மணி நேரம் சுற்றுலா பயணிகளை நிற்க வைத்து மனஉளைச்சலுக்கு ஆளாக்குகின்றனர்.

இதனால் அவர்கள் அபராதத்தொகையை செலுத்திவிட்டு செல்லும் நிலை உள்ளது. இந்நிலையில் முதல்-அமைச்சர் ரங்கசாமி கருவடிக்குப்பம் ஈ.சி.ஆர். சாலை வழியாக வந்தபோது, போலீசார் சுற்றுலா பயணிகளின் வாகனங்களை நிறுத்தி அபராதம் வசூலிப்பதை பார்த்துள்ளார்.

இதனால் கோபமடைந்த முதல்-அமைச்சர் ரங்கசாமி உடனே காவல்துறை அதிகாரிகளை அழைத்து கண்டித்துள்ளார். புதுவைக்கு வரும் சுற்றுலா பயணிகளின் வாகனங்களை குறி வைத்து அபராதம் விதிப்பது சுற்றுலாவை வெகுவாக பாதிக்கும். வெளிமாநிலங்களில் இருந்து வரும் சுற்றுலா பயணிகளின் வாகனங்களை நிறுத்தி அபராதம் விதிக்கக்கூடாது என்று உத்தரவிட்டார்.

அதேசமயம், போக்குவரத்து விதிமீறலில் ஈடுபடுவோருக்கு சட்டப்படி அபராதம் விதியுங்கள் என்று போலீசாருக்கு அறிவுறுத்தினார்.

கொடைக்கானல்:

மலைகளின் இளவரசியான கொடைக்கானலுக்கு தமிழகம் மட்டுமின்றி வெளி மாநிலங்கள், வெளிநாடுகளில் இருந்து ஏராளமான சுற்றுலா பயணிகள் வருகின்றனர். தற்போது கொடைக்கானலில் சாரல்மழை பெய்தது. மேலும் இன்று வானம் மேகமூட்டத்துடன் காணப்பட்டு அடிக்கடி சாரல் மழை பெய்தது. நகர்பகுதியில் தரை இறங்கும் மேகக்கூட்டம் சுற்றுலா பயணிகளை வெகுவாக கவர்ந்துள்ளது. மாறுபட்ட வானிலை சுற்றுலா பயணிகளை வெகுவாக கவர்ந்து வருகிறது. ஏரியில் நனைந்தபடி படகு சவாரி செய்தும், குடை பிடித்தபடியே ஏரிச்சாலையில் நடந்து சென்றும் பொழுதை கழித்து வருகின்றனர். இது மட்டுமின்றி பிரையண்ட் பூங்கா, ரோஜா பூங்கா, செட்டியார்பூங்கா, கோக்கர்ஸ் வாக், மன்னவனூர் சூழல் சுற்றுலா மையம் ஆகிய இடங்களை கண்டு ரசித்து வருகின்றனர்.

மேலும் ஏரிச்சாலையில் குதிரை, சைக்கிள், படகு சவாரி செய்தும் மகிழ்ந்தனர். சாரல் மழை மற்றும் பனி மூட்டத்தின் காரணமாக கொடைக்கானலில் காற்றின் ஈரப்பதம் அதிகரித்து காணப்படுகிறது. கொடைக்கானல் வந்த சுற்றுலா பயணிகள் இதை ஆனந்தமாக கொண்டாடி வருகின்றனர். மேலும் மன்னவனூர், பூண்டி கிளாவரை உள்ளிட்ட மேல்மலை கிராமங்களுக்கும் படையெடுத்த சுற்றுலா பயணிகள் இயற்கை அழகை கண்டு ரசித்தனர்.

குறிப்பாக கேரளாவில் இருந்து அதிக அளவில் பள்ளி, கல்லூரி மாணவர்கள் கூட்டம் கூட்டமாக வந்தனர். அவர்கள் மலைப்பகுதியில் இயற்கை எழில் கொஞ்சும் வகையில் அமைந்துள்ள சுற்றுலா இடங்களை கண்டு ரசித்தனர். மேலும் ஆங்காங்கே உருவாகி உள்ள புதிய அருவிகள் சுற்றுலா பயணிகளை வெகுவாக கவர்ந்துள்ளது. இதனால் ஓட்டல் உரிமையாளர்கள், வியாபாரிகள் மகிழ்ச்சி அடைந்துள்ளனர்.